2022 کے پہلے 6 مہینوں میں ٹاپ گن اور بیٹ مین جیسی فلموں نے دھوم مچائی تو اگلے چھ مہینے میں بھی کئی بڑی فلمیں ، فلم بینوں کو متاثر کرنے آ رہی ہیں۔
اپریل میں ایکشن اسٹار ٹام کروز کی فلم ٹاپ گن نے سب سے بڑھ کر کامیابی سمیٹی تو اب بریڈ پٹ کے پرستاروں کو بھی ان کی فلم سے ایسی ہی کامیابی کی امید ہے۔ ایکشن سے بھرپور ان کی فلم بلٹ ٹرین 5 اگست کو ریلیز ہو رہی ہے۔
سیر پر نکلے خاندان کو بھوکے شیر کا سامنا کرنا ہوگا، ایکشن اور دہشت سے بھرپور فلم “بیسٹ” کی 19 اگست کو سینیما گھروں میں نمائش کی جائے گی۔
جدید دنیا کو مشکلوں سے نکالنے کے لیے 5 ہزار سال بعد ہو گی بلیک ایڈم کی واپسی ، ہالی ووڈ اسٹار دی راک کی فلم بلیک ایڈم کو 21 اکتوبر کو ریلیز کیا جائے گا۔
23 نومبر کو”کریڈ 3″ میں رنگ کے کنگ کا فیصلہ ہو گا۔
بلاک بسٹر فلم ایواٹار کے مداحوں کا انتظار بھی 16 دسمبر کو ختم ہو جائے گا، ایکشن ایڈونچر سے بھرپور سیریز کی دوسری فلم “ایواٹار ٹو دی وے آف واٹر” کے نام سے ریلیز ہو گی.
