بالی وڈ اداکارہ اور سابقہ مس یونیورس سشمیتا سنگھ علی ظفر کے بھائی اداکار و گلوکار دانیال ظفر کی مداح بن گئیں۔
سشمیتا سین نے چند روز قبل انسٹاگرام پر اپنی بیٹی کے ہمراہ ایک ویڈیو شئیر کی، جس میں وہ دانیال ظفر کے گانے ‘اُڑھ چلیے’ پر انجوائے کر رہی تھیں، انہوں نے ویڈیو کے ساتھ کیپشن میں گانے کی دل کھول کر تعریف کی، اور دانیال ظفر کو ٹیگ بھی کیا۔
View this post on Instagram
بالی ووڈ اداکارہ نے لکھا کہ یہ گانا ان کی بیٹی کا پسندیدہ گانا ہے، اور ساتھ ہی اپنے دوست کا شکریہ ادا کیا، جس نے انہیں اس گانے سے متعارف کرایا۔
سشمیتا سین کی اس تعریف پر دانیال ظفر کی خوشی بھی انتہا کو پہنچ گئی، انہوں نے کمنٹ کیا کہ سشمیتا نے ان کا خواب پورا کر دیا ہے، انہوں نے لکھا کہ یہ ہوا، ڈرائیونگ اور یہ کھلا آسمان ہی ان کے گانے کی اصل تھیم تھی، جسے انہوں نے سچ کر دکھایا۔
اس کمنٹ پر بھی سشمیتا نے پیار بھرا ریپلائی کرتے ہوئے انہیں ڈھیر ساری دعائیں دیں، اور لکھا کہ آپ کی آواز اور یہ گانا دل کے جذبات ہیں۔ انہوں نے لکھا کہ خدا کی خاص رحمت ہے جو آپ اپنی آواز سے لوگوں سے جڑ سکتے ہیں، جس میں کوئی سرحد نہیں۔
