پاکستان کے معروف اداکار عدنان صدیقی نے شوبز چھوڑنے کا اشارہ دے دیا۔
پاکستان کے معروف اداکار عدنان صدیقی نے سماجی رابطے کی ویب سائٹ ٹوئٹر پر اپنے صارفین کو حیران کر دیا۔ انہوں نے اپنے ٹوئٹر پیغام میں لکھا کہ “ایلون مسک سے متاثر ہو کر میں بھی اداکاری چھوڑ کر کوئی اور پیشہ اختیار کرنے کا سوچ رہا ہوں”
انہوں نے اپنے صارفین سے رائے طلب کرتے ہوئے لکھا کہ “مجھے تجاویز دیں کہ میں کونسا پیشہ اختیار کروں”
Inspired by Elon Musk, I am also thinking of quitting acting and taking up something else as profession. Suggestions?
— Adnan Siddiqui (@adnanactor) December 17, 2021
اداکار عدنان صدیقی کو بہت سے مداحوں نے اداکاری چھوڑنے سے روکا تو دوسری طرف بیشتر مداح ایسے بھی تھے جنہوں نے عدنان صدیقی کو مختلف کاروبار کرنے کا مشورہ دیا۔
گزشتہ دنوں امریکی ٹیکنالوجی کمپنی ٹیسلا کے سربراہ ایلون مسک نے ملازمت چھوڑنے کا اعلان کیا تھا اورسماجی رابطے کی ویب سائٹ ٹوئٹر پر لکھا تھا کہ وہ اپنی نوکری چھوڑ کر انفلوئنسر بننے کا سوچ رہے ہیں۔ ایلون مسک نے بھی اپنی صارفین سے رائے مانگی تھی۔
thinking of quitting my jobs & becoming an influencer full-time wdyt
— Elon Musk (@elonmusk) December 10, 2021
