پاکستانی ٹیم کے کپتان بابر اعظم نے پاکستان کی سیمی فائنل میں شکست کے بعد ہمت نہ ہارتے ہوئے کہا کہ ہم اب اور مضبوطی سے واپس آئیں گے۔
بابر اعظم نے میچ کے بعد ٹوئیٹ میں تمام کھلاڑیوں کی گروپ فوٹو شئیر کی، اور لکھا کہ اپنا سر بلند رکھیں، آپ متاثر کن تھے اور آپ نے چیمئینز کی طرح ایک بہترین کھیل پیش کیا ہے۔
Keep the head high, team. You were impressive and played like true champions. We will definitely learn from this experience and come back stronger, In sha Allah. Extremely proud of my pack. #Pakistan pic.twitter.com/ka5fdfYHzI
— Babar Azam (@babarazam258) November 11, 2021
انہوں نے لکھا کہ انشا اللہ ہم یقینی طور پر اس تجربے سے سیکھیں گے اور مضبوطی سے واپس آئیں گے۔ پاکستانی کپتان نے ساتھ ہی اپنی ٹیم کی حوصلہ افزائی کرنے کے لیے کہا کہ انہیں اپنی ٹیم پر بہت فخر ہے۔
یہ بھی پڑھیں: پاکستان کو شکست: آسٹریلیا ٹی 20 ورلڈ کپ کے فائنل میں پہنچ گیا
واضح رہے کہ ٹی 20 ورلڈکپ میں اب تک ناقابل شکست رہنے والی پاکستان کی کرکٹ ٹیم آسٹریلیا کی ٹیم سے شکست کھا گئی ہے۔
پاکستان کی کرکٹ ٹیم ٹی 20 ورلڈ کپ سے باہر ہو گئی ہے جب کہ آسٹریلیا نے فائنل کے لیے کوالیفائی کرلیا ہے۔ اور اب 14 نومبر کو آسٹریلیا اور نیوزی لینڈ کے درمیان فائنل کی جنگ ہو گی۔
