لاہور: پاکستان کی معروف اداکارہ حمائمہ ملک نے اپنے مداحوں سے صحتیابی کے لیے دُعاؤں کی اپیل کر دی۔
پاکستان شوبز انڈسٹری کی معروف اداکارہ حمائمہ ملک نے فوٹو اینڈ ویڈیو شیئرنگ ایپ انسٹاگرام پر اپنی پوسٹ شیئر کی جس میں وہ اسپتال کے بستر پر لیٹی ہوئی ہیں اور انہوں نے نئی زندگی ملنے پر اللہ کا شکر ادا کیا ہے۔
حمائمہ ملک کا گزشتہ دنوں استنبول کے ایک اسپتال میں اپینڈکس کا کامیاب آپریشن ہوا ہے۔
اپنی شیئر کردہ پوسٹ پر انہوں نے لکھا کہ نہ ہوتا میں تو کیا ہوتا، ڈبویا مجھ کو میرے ہونے نے، دُعائیں چاہیئیں۔
View this post on Instagram
حمائمہ ملک نے کہا کہ اس سارے واقعے میں موت کو انتہائی قریب سے دیکھا ہے اور میرے رب نے مجھے نئی زندگی دی ہے۔
انہوں نے کہا کہ نظر جان بھی لے سکتی ہے، برائے مہربانی اپنے اور اپنے چاہنے والوں کے لیے دُعا کرتے رہا کریں کیونکہ نظر چلتا پھرتا بندہ مار سکتی ہے، پیار سے دیکھو، خدا سے ہر کسی کی خیر مانگو، اللہ کسی کو حسد کی نظر نہ لگائے۔
View this post on Instagram
واضح رہے کہ گزشتہ ہفتے حمائمہ ملک نے ترکی کے شہر استنبول میں ہونے والی ایوارڈ تقریب میں شرکت کی تھی۔