بھارتی خفیہ ایجنسی ’را‘ کا پاکستان میں نیٹ ورک اس کے سابق ایجنٹ نے ہی بے نقاب کر دیا۔
بھارتی چینل نے ’را‘ کے ایک ایجنٹ ڈینیئل کا انٹرویو کیا جس نے اعتراف کیا ہے کہ اس نے پاکستان میں ’را‘ کی طرف سے جاسوسی کی اور پھر پکڑا بھی گیا۔
جاسوس ڈینیل نے انکشاف کیا کہ انہیں را کی جانب سے پاکستان میں بم دھماکے کرنے کے لیے بھیجا گیا تھا، جاسوس نے بھارتی ٹی وی پر بیٹھ کر کہا کہ جاسوسی کے لیے لوگ صرف بھارت بھیجتا ہے پاکستان ایسا نہیں کرتا۔
یہ بھی پڑھیں: مودی کو بڑا دھچکہ: امریکہ میں بھارتی وزیر اعظم کے خلاف سمن جاری
سابق جاسوس بھارتی خفیہ ایجنسی نے مزید کہا کہ پاکستان میں بھارت کے لیے جاسوسی کی اور پکڑا بھی گیا جس کے بعد پاکستان میں 4 سال قید کاٹی۔
اس نے پاکستان کی قید میں اب بھی موجود ایک اور بھارتی باشندے راجو کے بارے میں بھی انکشاف کیا ہے کہ وہ بھی ’را‘ کا ایجنٹ تھا.
بھارتی جاسوس ڈینیئل نے بتایا کہ پاکستانی بہت اچھے ہوتے ہیں، جبکہ اس کی واپسی کے بعد بھارتی حکومت نے اسے 15 ہزار روپے دے کر فارغ کر دیا اور اب وہ بے حالی کی زندگی گزار رہا ہے۔
بھارتی ٹی وی پر بیٹھ کر اس نے کہا کہ ’را‘ اب بھی پاکستان میں اپنی سرگرمیوں میں ملوث ہے۔
