اسلام آباد: اداکار یاسر نواز نے بھی اپنی اہلیہ ندا یاسر کا مذاق اڑانے لگے۔
اداکار و ہدایت کار یاسر نواز نے اپنی اہلیہ ندا یاسر کا فارمولا چلا دیا اور ندا یاسر کی وائرل فارمولا کار ویڈیو پر خود اپنا انداز چڑھا دیا۔
View this post on Instagram
واضح رہے کہ چند روز قبل مارننگ شو کی میزبان ندا یاسر کے شو کی ایک پرانی مختصر ویڈیو وائرل ہوئی تھی جس میں وہ فارمولا ون کار سے متعلق اس کار کو بنانے والے دو طالبعلموں سے سوالات کر رہی تھیں۔
سوالوں سے اندازہ ہو رہا تھا کہ انہیں نہ تو فارمولا ون کار کے بارے میں کوئی معلومات ہیں اور نہ ہی انہوں نے شو کرنے سے پہلے شو کے موضوع کے حوالے سے تھوڑی سی بھی ریسرچ کی ہے۔
یہ بھی پڑھیں: ایمن خان سوشل میڈیا پر دوسری مقبول ترین اداکارہ بن گئیں
بے تکے سوالات کی وجہ سے ندا یاسر شو کے دوران کافی عجیب لگ رہی تھیں اور یہی بات سوشل میڈیا صارفین نے بھی نوٹ کی اور ان کا خوب مذاق اڑایا۔ یہاں تک کہ ان کا نام ٹوئٹر پر دو دن تک ٹرینڈ میں رہا۔
لوگوں نے ندا یاسر کا مذاق اڑاتے ہوئے کہا تھا ندا اپنے شو میں صرف شادیاں ہی کروائیں، تو کسی نے کہا ایسا تب ہوتا ہے جب آپ اپنی ڈگری آن لائن مکمل کرتے ہیں۔ اس کے علاوہ ندا پر بہت ساری میمز بھی بنی گئیں۔