اسلام آباد: وزیراعظم عمران خان اور امیر قطرشیخ تمیم بن حمد آل ثانی کے درمیان ٹیلی فونک رابطہ ہوا ہے جس میں دونوں رہنماؤں کے درمیان افغانستان کی صورتحال پر تبادلہ خیال کیا گیا ہے۔
وزیراعظم اور سعودی ولی عہد کے درمیان ٹیلی فونک رابطہ
ہم نیوز کےمطابق وزیراعظم عمران خان نے امیر قطرشیخ تمیم بن حمد آل ثانی سے بات چیت میں کہا کہ پر امن اور مستحکم افغانستان، پاکستان کے مفاد میں ہے۔
انہوں ںے کہا کہ 40 سال بعد افغانستان میں دیرپا امن قائم کرنے کا موقع ملا ہے تو مشکل کی اس گھڑی میں عالمی برادری کو افغان عوام کا ساتھ دینا چاہیے۔
وزیراعظم نے امیر قطر سے بات چیت میں کہا کہ ضرورت اس امر کی ہے کہ عالمی برادری افغانستان کی تعمیر نو کے لیے معاشی تعاون بھی جاری رکھے۔
ہم نیوز کے مطابق وزیراعظم عمران خان اور امیر قطر شیخ تمیم بن حمد آل ثانی کے درمیان ہونے والی ٹیلی فونک بات چیت میں دونوں رہنماؤں نے افغانستان میں سیاسی تصفیے کے ذریعے معاملات حل کرنے پر زور دیا۔
وزیراعظم کا ابوظہبی کے ولی عہد سے رابطہ: عالمی برادری افغانستان کی مدد کرے،عمران خان
اس ضمن میں جاری کردہ اعلامیے میں کہا گیا ہے کہ بات چیت میں کہا گیا کہ بین الاقوامی برادری مہاجرین اور انسانی بحران سے بچنے کے لیے کوششیں تیز کرے۔
وزیراعظم عمران خان اور امیر قطر شیخ تمیم بن حمد آل ثانی نے مختلف شعبوں میں تعلقات کو وسعت دینے اور مل کر کام پر بھی اتفاق کیا۔
’افغانستان سے انخلا کے بعد سے امریکہ اب سپر پاور نہیں رہا‘
ہم نیوز کے مطابق وزیراعظم عمران خان نے بات چیت میں قطر کے ساتھ سیاسی اور اقتصادی تعلقات کو مزید مضبوط کرنے کی خواہش کا ابھی اظہار کیا۔
