افغان طالبان کے ترجمان سہیل شاہین نے کہا ہے انہوں نے کسی اسرائیلی صحافی کو انٹرویو نہیں دیا۔
سہیل شاہین نے ٹویٹ کیا کہ’ میں روزنہ کئی صحافیوں کو انٹرویو دیتا ہوں، کچھ صحافیوں نے شائد چہرے بھی چھپا رکھےہوں، لیکن میں نے ایسے کسی صحافی کو انٹرویو نہیں دیا جس نے کہا کہ اس کا تعلق اسرائیلی میڈیا سے ہے۔
I do many interviews with journalists every day after the falling of provincial centers of Afghnistan and the capital Kabul to the Islamic Emirate, some journalists maybe masquerading but I haven’t done interview with any one introducing himself he is from an Israeli media.
— Suhail Shaheen. محمد سهیل شاهین (@suhailshaheen1) August 17, 2021
قبل ازیں اسرائیل ٹائمز نے خبر دی تھی کہ سہیل شاہین نے اسرائیلی ٹی وی کو انٹرویو دیا ہے، جس میں انہوں نے کہا کہ افغانستان میں قیام پذیر آخری یہودی کی حفاظت کی جائے گی۔
اسرائیلی ٹی وی کان نیوز کے مطابق ترجمان نے کہا افغانستان میں اقلیتوں کے حقوق کا احترام کیا جائے گا، بشمول ملک کے آخری یہودی کے۔
خبر کے مطابق کان نیوز کے صحافی نے سہیل شاہین سے ٹیلی فون پر بات اور اپنے چینل کا نام بتایا، لیکن یہ نہیں بتایا کہ چینل اسرائیل کا ہے۔
کان نیوز چینل نے بھی تصدیق کی کہ “ہم نے اپنی شناخت کان نیوز چینل کے طور پر کروائی لیکن، لیکن ہم نے اس بات پر زور نہیں دیا کہ ہم اسرائیلی میڈیا ہیں‘‘۔