پشاور: خیبر پختونخوا کے ضلع پشاور میں جائیداد کے تنازعے پر ماں اور بہن پر تشدد کرنے والے بھائیوں کو گرفتار کر کے مقدمہ درج کر لیا۔
سوشل میڈیا پر گزشتہ روز ایک ویڈیو وائرل ہوئی جس میں بھائیوں کی جانب سے ماں اور بہن کو بدترین تشدد کا نشانہ بنایا گیا۔ ویڈیو وائرل ہونے کے بعد پولیس کی جانب سے کارروائی کرتے ہوئے تشدد کرنے والے دونوں بھائیوں کو گرفتار کر لیا گیا۔
پولیس کے مطابق سوشل میڈیا پر تشدد کی ویڈیو وائرل ہونے کے بعد کارروائی کی گئی اور دو ملزمان آفتاب اور ارشد کو حراست میں لے کر مقدمہ درج کر لیا گیا ہے۔
فیس بک پر ایک ویڈیو اپلوڈ ہوئی ہے جس میں ملزمان کو ایک خاتون پر تشدد کرتے دکھایا گیا ہے
ویڈیو منظر عام پر آنے کے بعد کپیٹل سٹی پولیس نے فوری کارروائی کرتے ہوئے دو ملزمان آفتاب اور ارشد پسران عبدالحنان ساکنان امین کالونی کو حراست میں لے کر حوالات منتقل کر دیا ہے pic.twitter.com/IXDLrIP0BT
— KP Police (@KP_Police1) July 3, 2021
دوران تفتیش ملزمان نے اعتراف کیا کہ جائیداد میں حصے کا مطالبہ کرنے پر بہن کو تشدد کا نشانہ بنایا گیا جبکہ خاتون کو طبی امداد اور چیک اپ کے لیے اسپتال منتقل کر دیا گیا۔
پولیس کے مطابق 3 ملزمان کے خلاف تھانہ بھانہ ماڑی میں مقدمہ درج کیا گیا جس میں سے 2 کو گرفتار کر لیا گیا جبکہ ایک کی تلاش جاری ہے۔
