بھارتی فضائیہ کا مگ21طیارہ گرکرتباہ ہوگیا ہے۔
بھارتی میڈیا کے مطابق طیارے کا پائلٹ اسکوارڈرن لیڈر ہلاک ہوگئے ہیں۔ حادثہ بھارتی پنجاب کے علاقے موگا کے قریب پیش آیا۔
بھارتی فضائیہ کے مطابق حادثہ جمعے کی صبح ایک بجے پیش آیا جب طیارہ معمول کی تربیتی پرواز پر تھا۔
A Court of Inquiry has been ordered to ascertain the cause of the accident.
— Indian Air Force (@IAF_MCC) May 21, 2021
سماجی رابطوں کی ویب سائٹ ٹوئٹر کے ذریعے بھارتی فضائیہ نے اطلاع دی کہ حادثے کی انکوائری کا حکم دے دیا گیا ہے۔
سال2021 میں یہ تیسرا حادثہ ہے جس میں بھارتی فضائیہ کا طیارہ گر کر تباہ ہوا۔ قبل ازیں مارچ2021 میں بھی ایک مگ21 طیارہ گر کر تباہ ہوا تھا۔
جنوری2021 میں بھارتی راجستھان کے علاقے میں بھی ایک مگ21 طیارہ تباہ ہوا تھا جس میں پائلٹ جان بچانے میں کامیاب رہا۔
