اسلام آباد: صدر مملکت ڈاکٹر عارف علوی نے انسداد عصمت دری آرڈیننس 2020 کی منظوری دے دی۔
آرڈیننس سے عورتوں اور بچوں کے خلاف زیادتی کے معاملات کو جلد نمٹانے میں مدد ملے گی۔
زیادتی کے ملزمان کے تیز ٹرائل اور کیسز جلد از جلد نمٹانے کیلئے ملک بھر میں خصوصی عالتوں کا قیام عمل میں لایا جائے گا، خصوصی عدالتیں 4 ماہ کے اندر زیادتی کے کیسز کو نمٹائیں گی۔
زیادتی کے واقعات: ملزمان کے ٹرائل کیلئے خصوصی عدالتیں قائم کی جائیں گی
آرڈیننس کے تحت وزیرِاعظم انسدادِ زیادتی کرائسس سیلز کا قیام عمل میں لائیں گے، یہ سیل چھ گھنٹے کے اندر اندر متاثرہ افراد کا میڈیکل معائنہ کرانے کا مجاز ہوگا جبکہ نادرا کی مدد سے قومی سطح پر جنسی زیادتی کے مجرمان کا رجسٹر تیار کیا جائے گا۔
صدر مملکت ڈاکٹر عارف علوی نے انسدادِ ریپ آرڈیننس2020ء کی منظوری دیدی. آرڈیننس سے عورتوں اور بچوں کے خلاف جنسی زیادتی کے معاملات کو جلد نمٹانے میں مدد ملے گی۔ جنسی زیادتی کے ملزمان کے تیز ٹرائل اور کیسز جلد از جلد نمٹانے کیلئے ملک بھر میں اسپیشل کورٹس کا قیام عمل میں لایا جائے گا۔ pic.twitter.com/3awfqnXOcO
— The President of Pakistan (@PresOfPakistan) December 15, 2020
انسداد عصمت دری آرڈیننس کے تحت زیادتی کے متاثرین کی شناخت ظاہر کرنے پر پابندی لگاتے ہوئے اس عمل کو قابلِ سزا جرم قرار دے دیا گیا ہے۔
آرڈیننس کے تحت تحقیقات میں کوتاہی برتنے پر پولیس وسرکاری ملازم کو تین سال سزا اور جرمانہ ہوگا جبکہ غلط معلومات فراہم کرنے والے پولیس اور سرکاری ملازم کو سزا کا سامنا کرنا پڑے گا۔
نوٹیفائیڈ بورڈ کے ذریعے مجرم کو کیمیکل یا ادویات کے ذریعے نامرد بنایا جائے گا۔
