برطانوی ماہرین نے انکشاف کیا ہے کہ ایک ہفتہ مسلسل استعمال ہونے والے زیورات میں ٹوائلٹ سے چار گنا زیادہ جراثیم پائے جاتے ہیں۔
یہ بھی پڑھیں: ماہرین فلکیات نے چھ کہکشاؤں کیساتھ بہت بڑا بلیک ہول دریافت کر لیا
تحقیق کے مطابق ایک ہفتہ سے زائد زیر استعمال رہنے والے انگوٹھی، گھڑی اور بالیوں میں ٹوائلٹ سیٹ سے 428 گنا زیادہ جراثیم ہوتے ہیں۔
برطانوی ماہرین کی جانب سے کیے گئے سروے میں دو تہائی برطانوی شہریوں نے اپنے زیورات کی صفائی نہ کرنے کا اعتراف کیا ہے۔
تجربے نے ثابت کیا کہ ایک ہفتہ مسلسل زیورات کے استعمال سے 21 ہزار سے زائد بیکٹیریا پیدا ہوتے ہیں۔ سب سے زیادہ جراثیم انگوٹھی اور اس کے بعد گھڑی میں پائے گئے ہیں۔
یہ بھی پڑھیں: دماغ میں لگنے والی برین چپ کو ہیک کیا جا سکتا ہے، ماہرین
رپورٹ کے مطابق ان زیوارت میں خطرناک بیماریاں پیدا کرنے والے جراثیم پائے جاتے ہیں جو صحت کے لیے نقصان دہ ہیں۔
روازنہ کی بنیاد پر ہمارے ہاتھ سیکڑوں چیزوں کو چھوتے ہیں جن سے ہزاروں جراثیم ہمارے ہاتھوں پر منتقل ہو جاتے ہیں۔ ہم ہاتھ تو دھو لیتے ہیں تاہم زیورات دھونے کا خیال ہمیں نہیں آتا جس کی وجہ سے زیورات میں موجود جراثیم پھلتے پھولتے رہتے ہیں۔
یہ بھی پڑھیں: کائنات میں لاکھوں سیارے ہیرے سے بنے ہوئے ہیں، خلائی ماہرین کا انکشاف
برطانیہ میں زیوارات کے کاروبار سے منسلک ایک اہم شخصیت کا کہنا ہے کہ ہم اپنے زیورات کو ان کی مالیتکی وجہ سےمحفوظ رکھتے ہیں جو کہ ایک اچھا عمل ہے مگر ضرورت اس بات کی ہے کہ زیورات کی صفائی کو بھی یقینی بنایا جائے۔
