پشاور: حیات آباد میں حکومتی اجازت کے بغیر کھلنے والے اسکول پر پرائیویٹ اسکول ریگولیٹری اتھارٹی (پی ایس آر اے) نے جرمانہ عائد کر دیا۔
یہ بھی پڑھیں: اسکول کھولنے سے متعلق فیصلہ 7 ستمبر کے اجلاس میں ہوگا، سعید غنی
اسسٹنٹ ڈائریکٹر آپریشن پی ایس آر اے اورنگزیب نے ہم نیوز کو بتایا کہ حکومتی اجازت کے بغیر اسکول کھولنے پر اسکول مالکان کے خلاف کارروائی عمل میں لائی گئی۔
انہوں نے کہا کہ نجی اسکول پر 40 ہزار روپے جرمانہ عائد کیا گیا ہے کیونکہ وہاں حکومتی پابندی کے باوجود تدریسی عمل جاری تھا۔
اسسٹنٹ ڈائریکٹر آپریشن کا مزید کہنا تھا کہ کورونا کے خلاف ایس او پیز پر بھی عمل درآمد نہیں کیا جا رہا تھا۔
یہ بھی پڑھیں: محکمہ تعلیم خیبر پختونخوا نے اسکولوں کیلئے ایس او پیز جاری کر دیے
اسکول کو ہفتے میں جرمانہ ادا کرنے کا حکم دیا گیا ہے۔
دوسری جانب خیبر پختونخوا میں تمام سرکاری اسکول 15 ستمبر سے کھولنے کا امکان ظاہر کیا گیا ہے۔
حکومتِ خیبر پختونخوا نے اس ضمن میں اعلامیہ بھی جاری کر دیا ہے جس کے مطابق خیبر پختونخوا میں سرکاری اسکولوں کو کورونا ایس او پیز کے تحت کھولا جائے گا۔
ڈائریکٹر ایجوکیشن کے مطابق مختلف اضلاع کے اساتذہ کو ایس او پیز پر عملدرآمد کو یقینی بنانے کی تربیت دی گئی ہے۔
یہ بھی پڑھیں: خیبرپختونخوا حکومت کا 15ستمبر سے قبل کھلنے والے نجی اسکولز کیخلاف کارروائی کا اعلان
خیبر پختونخوا حکومت کی جانب سے جاری کردہ مراسلہ میں تلقین کی گئی ہے کہ اسکولوں میں سینی ٹائزر، ماسک کے استعمال اور ہاتھ دھونے کے لیے صابن کی فراہمی یقینی بنائی جائے۔
