راولپنڈی: ڈی جی آئی ایس پی آر نے کہا ہے کہ مخالفین ہر دفعہ ہمارے دلیرانہ جواب سے حیران ہوں گے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) بابر افتخار نے سماجی رابطے کی ویب سائٹ پر ٹوئٹ کیا ہے کہ 27 فروری کسی بھی جارحیت کے خلاف مسلح افواج کے عزم کی یاد گار ہے۔
یہ بھی پڑھیں سرپرائز ڈے: پاک فضائیہ کا کراچی میں شاندار ائیر شو
انہوں نے کہا کہ پاکستان کے دشمنوں کی کسی بھی کارروائی کا ہمیشہ 27 فروری کی طرح بھرپور جواب دیں گے اور پاکستان کے دشمنوں کے کسی بھی مس ایڈونچر کو ہمیشہ شکست دی جائے گی۔
27 Feb commemorates resolve of Pakistan Armed Forces against any aggression. The way we responded on this day is a proof that any misadventure by enemies of Pakistan will always be defeated. Our adversaries will be surprised with our bold responses every time.#SurpriseDay
— DG ISPR (@OfficialDGISPR) February 27, 2020
ڈی جی آئی ایس پی آر نے سرپرائز ڈے کے ہیش ٹیگ کے ساتھ لکھا کہ ہمارے مخالفین ہر دفعہ ہمارے دلیرانہ جواب سے حیران ہوں گے۔
یہ بھی پڑھیں ’سرپرائز ڈے‘پر افواج پاکستان کو خراج تحسین
واضح رہے کہ گزشتہ سال 27 فروری کو پاکستانی جوانوں نے بہادری کا مظاہرہ کرتے ہوئے سرحد کی خلاف ورزی کرنے والے بھارت کے دو طیارے مار گرائے تھے اور ایک پائلٹ ابھی نند کو گرفتار کیا گیا جسے بعد میں جذبہ خیر سگالی کے تحت بھارت کے حوالے کر دیا گیا تھا۔
