لندن: معروف پاکستانی کاروباری شخصیت نے 19 کروڑ پاؤنڈ مالیت کے اثاثے برطانیہ کی تفتیش کار کمپنی نیشنل کرائم ایجنسی (این سی اے) کے حوالے کرنے پر آمادگی ظاہر کر دی ہے۔
غیر ملکی خبر رساں ادارے کا کہنا ہے کہ تفتیش کاروں کو این سی اے کی جانب سے برطانوی بینکوں میں موجود ایک کروڑ چالیس لاکھ پاؤنڈز کی رقم منجمد کرنے کے نو احکامات ملے تھے۔ ان احکامات کی بنیاد یہ تھی کہ یہ پیسہ جرائم کے ذریعے کمایا گیا ہے۔
اس ضمن میں پاکستانی کاروباری شخصیت اور این سی اے کے درمیان ایک معاہدہ طے پایا ہے جس کے مطابق وہ ہائیڈ پارک میں موجود اپنے اثاثے کی ملکیت برطانوی کمپنی کے حوالے کر دیں گے جس کی مالیت پانچ کروڑ پاؤنڈ ہے۔
The NCA has accepted a settlement offer in region of £190 million which includes a UK property, 1 Hyde Park Place, London W2 2LH, valued at approximately £50 million and all of the funds in the frozen accounts. pic.twitter.com/c08TN6zb82
— National Crime Agency (NCA) (@NCA_UK) December 3, 2019
ذرائع کے مطابق معروف شخصیت کے اثاثے حکومت پاکستان کو واپس کیےجائیں گے۔
