اسلام آباد: عالمی شہرت یافتہ جنوبی افریقی گولف پلیئر گیری پلیئر نے وزیراعظم عمران خان کو نیلسن منڈیلا کے بعد اپنا ہیرو قرار دے دیا۔
سماجی رابطے کی ویب سائٹ ٹوئٹر سے جاری اپنے پیغام میں انہوں نے عمران خان کو مخاطب کرتے ہوئے کہا کہ ’ میں آپ کی لیڈرشپ کو بہت قریب سے دیکھ رہا ہوں اور اس کی پیروی کر رہا ہوں، کاش میرے پاس آپ کی عظمت بیان کرنے کے لئے چرچل اور شیکسپیئر کے الفاظ ہوتے‘۔
Message for Prime Minister @ImranKhanPTI from one of the greatest golfers Mr. Gary Player from South Africa! @GaryPlayer#ImranKhan #Cricket #Golf pic.twitter.com/VsC7oDqIf2
— PTI (@PTIofficial) September 30, 2019
انہوں نے کہ نیلسن منڈیلا کے بعد آپ میرے ہیرو ہیں، میں جب نیلسن منڈیلا کو دیکھتا تھا تو رو پڑتا تھا کہ کیسے انہوں نے ایک قوم کے لئے جدوجہد کی وہ بہت رحم دل اور ایک فرشتہ صفت انسان تھے ۔
ان کا کہنا تھا کہ ’ مجھے اس بات کا اچھی طرح ادراک ہے کہ آپ کے لئے ابھی حالات انتہائی مشکل ہیں اور اپنا پیغام پہنچانے کے لئے آپ کو مزید دو سال درکار ہیں۔ میری دعا ہے کہ اللہ آپ کا حامی و ناصر ہو۔ اللہ اکبر‘۔
گیری پلیئر نے گولف کے کھیل میں متعدد ریکارڈ اپنے نام کر رکھے ہیں، وہ واحد غیر امریکی کھلاڑی ہیں جنہوں نے گولف کے چاروں میجر جیتے ہیں۔
