اسلام آباد: قومی کرکٹ ٹیم کے لیگ اسپنر شاداب خان نے پاکستان بمقابلہ سری لنکا سیریز کے تمام میچز کی فیس زلزلہ متاثرین کو دینے کا اعلان کر دیا ہے۔
سماجی رابطوں کی ایپلیکیشن ٹوئٹر پر شیئر کیے گئے ایک پیغام میں شاداب خان کا کہنا تھا کہ ’پاکستان بمقابلہ سری لنکا سیریز کے تمام میچز کی فیس زلزلہ متاثرین کو دینے کا اعلان کرتا ہوں۔‘
I pledge to donate all my match fees from the #PAKvSL series to the ppl affected by the #earthquake in Pakistan today. Let’s try to help our brothers and sisters in need.
— Shadab Khan (@76Shadabkhan) September 24, 2019
انہوں نے عوام سے بھی زلزلہ متاثرین کی مدد کرنے کی اپیل کی اور لکھا کہ پریشانی کی اس گھڑی میں ہمیں اپنے بہن بھائیوں کا ساتھ دینا چاہیے۔
واضح رہے کہ پاکستان بمقابلہ سری لنکا سیریز 27 ستمبر سے کراچی میں شروع ہو رہی ہے۔ سیریز 3 ون ڈے اور 3 ہی ٹی ٹوئنٹی میچز پر مشتمل ہے۔
قبل ازیں پاکستان کے مایہ ناز آل راؤنڈر شاہد آفریدی بھی زلزلہ متاثرین کی مدد کے لیے میدان میں آئے ہیں، انہوں نے ٹویٹر پر ایک پیغام شیئر کیا جس میں عوام و خواص سے زلزلہ متاثرین کی مدد کی اپیل کی گئی ہے۔
Very tragic news about the earthquake, please help the affected people wholeheartedly. My prayers are with everyone affected and victims. May Allah bless us all?
— Shahid Afridi (@SAfridiOfficial) September 24, 2019
یاد رہے کہ منگل کی سہ پہر 4 بجے آنے والے زلزلے میں اب تک کی اطلاعات کے مطابق 30 افراد جاں بحق اور 400 سے زائد زخمی ہو چکے ہیں، اسی زلزلے نے سیکڑوں افراد بے گھر بھی کر دیا ہے۔