اسپیشل اولمپکس ورلڈ گیمز میں پاکستان کا نام روشن کرنے والا 46 رکنی دستہ وطن واپس پہنچ گیا، وطن پہنچنے پر کھلاڑیوں کا پرتپاک استقبال کیا گیا، کھلاڑیوں کو پھول پہنائے گئے او ان پر پتیاں بھی نچھاور کی گئیں۔
ابوظہبی میں ہونے والے اولمپکس گیمز میں پاکستانی کھلاڑیوں نے 64 میڈلز اپنے نام کیے، دس مختلف کھیلوں میں انفرادی اور ٹیم ایونٹس میں سونے کے 19، چاندی کے 27 اور کانسی کے 18 تمغے جیتے ، سونے کے تمغے فٹبال، ایتھلیٹکس، پاور لفٹنگ، ٹینس، سائیکلنگ اور باسکٹ بال میں جیتے۔
#Cheers4Champions returning home with 65 medals ??
TEAM PAKISTAN ?? is back from @WorldGamesAD and we couldn’t be happier! They deserve all our love and support since they are the champions of our country ??They are all victorious and we are so proud of them❤️
PAKISTAN ZINDABAD? pic.twitter.com/Rw3Xa0R7O4— Special Olympics PK (@SO_Pakistan) March 23, 2019
ایئرپورٹ پہنچنے پر کھلاڑی بھی انتہائی پرجوش تھے اور پاکستان زندہ باد کے نعرے لگاتے رہے، کھلاڑیوں کے اہل خانہ بھی خوشی سے نہال دکھائی دے رہے تھے۔
اس موقع پر بات کرتے ہوئے اسپیشل اولمپکس پاکستان کی سربراہ رونق لاکھانی نے کہا کہ کھلاڑیوں نے انتہائی شاندار پرفارمنس پیش کرکے دنیا بھر میں پاکستان کا نام روشن کیا ۔