اسلام آباد: پیپلزپارٹی کے چیئرمین بلاول بھٹو زرداری نے کہا ہے کہ صرف اپوزیشن اراکین کے نام ای سی ایل میں ڈالنا مضحکہ خیز ہے جب کہ عمران خان اپنے دعوے کے برعکس سات غیر ملکی دورے کر چکے ہیں۔
بلاول بھٹو زرداری نے سماجی رابطے کی ویب سائٹ ٹوئٹر پر وزیر اعظم کے بیان کے بعد ٹوئٹر پر ہی اپنا بیان بھی دے ڈالا۔
بلاول بھٹو زرداری نے کہا ہے کہ سلیکٹڈ وزیر اعظم نہیں جانتے ہیں کہ انسانی حقوق اور نقل و حمل کی آزادی کیا چیز ہے۔ وزیر اعظم سمیت حکومتی اراکین خود غیر ملکی دوروں میں مصروف ہیں۔
Obviously selected PM doesn’t understand the concept of human rights or freedom of movement. Funny it’s only the opposition members on ECL, government members are busy travelling. Including PM who despite promising not to travel for 1st 6months has made more than 7 trips so far! https://t.co/uGfCfzyAyA
— BilawalBhuttoZardari (@BBhuttoZardari) January 17, 2019
انہوں ںے کہا کہ عمران خان نے حلف اٹھانے کے بعد پہلے چھ ماہ تک غیر ملکی دورے نہ کرنے کا اعلان کیا تھا لیکن اس کے برعکس وہ اب تک سات غیر ملکی دورے کر چکے ہیں۔
واضح رہے کہ عمران خان نے آج صبح ہی ٹوئٹر پر بیان دیا تھا کہ اراکین اسمبلی ای سی ایل میں نام ڈالے جانے پر اتنا خوفزدہ کیوں ہیں اور انہیں بیرون ملک جانے کی بے چینی کیوں ہے۔