اسلام آباد: محکمہ موسمیات کے مطابق ملک کے بیشتر علاقوں میں موسم سرد اور خشک جبکہ گلگت بلتستان، مالاکنڈ ڈویژن اور شمالی بلوچستان میں شدید سرد رہنے کا امکان ہے۔
وفاقی دارالحکومت میں اتوار کی صبح سرد ہوائیں چل رہی تھیں اور درجہ حرارت بھی 14 ڈگری سینٹی گریڈ ریکارڈ کیا گیا۔
محکمہ موسمیات کےمطابق اسلام آباد کا درجہ حرارت کم سے کم 09 اور زیادہ سے زیادہ 25 ڈگری سینٹی گریڈ تک جا سکتا ہے۔
پنجاب کے اکثر اضلاع میں اتوار کے روز مطلع صاف رہے گا اور سخت دھوپ نکلنے کا امکان ہے۔
لاہور میں مطلع صاف ہونے کے باوجود صبح کے وقت سردی کی شدت برقرار رہی اور درجہ حرارت 15 ڈگری سینٹی گریڈ تک ریکارڈ کیا۔
خیبر پختونخوا کے اکثر اضلاع میں اتوار کے روز مطلع صاف رہے گا۔ ایبٹ آباد، مانسہرہ اور بٹگرام میں سب سے زیادہ سردی پڑ سکتی ہے جہاں کا درجہ 5 ڈگری سینٹی گریڈ تک گر سکتا ہے۔
محکمہ موسمیات کے مطابق آج سندھ کے تمام اضلاع میں موسم خشک رہے گا اور آئندہ چند روز تک کہیں بھی بارش کا امکان نہیں۔
گزشتہ 24 گھنٹوں کے دوران بھی ملک کے بیشتر حصوں میں موسم خشک اور سرد رہا تاہم سب سے زیادہ سردی سکردو میں پڑی جہاں کا درجہ حرارت منفی 8 ڈگری سینٹی گریڈ ریکارڈ کیا گیا۔
