راولپنڈی: پاک فوج کے شعبہ تعلقات عامہ (آئی ایس پی آر) کے مطابق پاکستان آرمی نے کیمبرین پٹرول مقابلوں میں سونے کا تمغہ جیت لیا۔
ڈائیریکٹر جنرل (ڈی جی) آئی ایس پی آر میجر جنرل آصف غفور نے سماجی رابطے کی ویب سائٹ ٹوئیٹر پر اپنی ایک ٹویٹ میں کہا ہے کہ پاک آرمی نے برطانیہ کے شہر ویلز میں منعقد کیمبرین پٹرول مقابلوں میں سونے کا تمغہ حاصل کیا ہے۔
Pakistan Army team won gold medal, for the fourth consecutive time, in the world’s toughest Cambrian Patrol competition held at Wales, UK. Pakistani Team was from a Battalion of Northern Light Infantry, the brave soldiers from Pakistan’s Gilgit Baltistan. pic.twitter.com/x67xIN2XRi
— Maj Gen Asif Ghafoor (@OfficialDGISPR) October 19, 2018
ڈی جی آئی ایس پی آر کے مطابق پاک فوج کی ٹیم کا تعلق ناردن لائٹ انفینٹری کی بٹالین سے تھا جو گلگت بلتستان کے بہادر سپاہی ہیں۔
آئی ایس پی آر کا کہنا تھا کہ پاک فوج دنیا کے اس مشکل ترین کھیل میں لگاتار چوتھی مرتبہ کامیاب ہوئی ہے۔