راولپنڈی: پاک فوج کے شعبہ تعلقات عامہ (آئی ایس پی آر) نے اعلان کیا ہے کہ اس سال 6 ستمبر کو یوم دفاع کے موقع پر اپنے شہداء کو منفرد انداذ میں خراج تحسین پیش کریں گے۔
ڈائریکٹر جنرل ( ڈی جی ) آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر کہا ہے کہ اس سال قوم ‘ہمیں پیار ہے پاکستان سے’ کے عنوان سے یوم دفاع و شہداء منائے گی۔
انہوں نے کہا کہ آئی ایس پی آر، میڈیا اور دیگر قومی اداروں کے ساتھ ساتھ ہر پاکستانی اس منفرد ملک گیر مہم کا حصہ بنے گا۔ میجر جنرل آصف غفور نے کہا کہ اس پر زور مہم کے ذریعے شہداء اور ان کے لواحقین کو خراج عقیدت پیش کیا جائے گا۔
Nation will pay tribute to its Martyrs & their families on 6 Sep. Every Pakistani will IA be part of this unique campaign reaching out to their families, home, street, mohalla, village, city, province & place of Martyrdom. Lets salute their sacrifice.Details soon.#WeLovePakistan pic.twitter.com/p3dIWqRDw6
— DG ISPR (@OfficialDGISPR) August 24, 2018
انہوں نے کہا کہ زندہ قومیں اپنے شہیدوں کو کبھی نہیں بھولتیں اور شہید اور ان کے لواحقین قوم کے ہیرو اور سرمایہ ہیں۔
ڈی جی آئی ایس پی آر کا کہنا تھا کہ اس خصوصی مہم کو ہر گھر، گلی، محلہ، تحصیل، گاؤں، شہر، صوبے اور مقام شہادت تک پہنچایا جائے گا۔