لاہور: پاکستان کے اسٹار اسپنر ابرار احمد پہلی بارانٹرنیشنل کرکٹ کونسل (آئی سی سی) ٹی ٹوئنٹی بولنگ رینکنگ میں عالمی نمبر ایک بولر بن گئے، انہوں نے افغانستان کے معروف اسپنر راشد خان کو پیچھے چھوڑ کر پہلی پوزیشن حاصل کرلی۔
آئی سی سی کے مطابق ابراراحمد کی شاندار کارکردگی کے باعث انہیں ٹی ٹوئنٹی فارمیٹ کی تازہ عالمی رینکنگ میں پہلی پوزیشن ملی ہے۔
قومی ٹیم کے اسپنر نے رواں سال ٹی ٹوئنٹی انٹرنیشنل میں مستقل مزاج کارکردگی کا مظاہرہ کرتے ہوئے 9 میچز میں 15 وکٹیں حاصل کیں۔
سب سے زیادہ پڑھی جانے والی
آسٹریلیا کے خلاف ہوم سیریزمیں بھی ابراراحمد نے اپنی بولنگ سے نمایاں کارکردگی دکھائی، تین ٹی ٹوئنٹی میچز میں انہوں نے مجموعی طور پر6 کھلاڑیوں کو پویلین کی راہ دکھائی، جس نے ان کی رینکنگ میں بہتری میں اہم کردارادا کیا۔
ابرار احمد ون ڈے انٹرنیشنل بولنگ رینکنگ میں بھی دوسری پوزیشن پرموجود ہیں، یوں وہ دونوں محدود اوورز کے فارمیٹس میں عالمی سطح پرنمایاں مقام رکھنے والے پاکستانی بولربن گئے ہیں۔
عالمی نمبر ایک بننے پرابراراحمد کا کہنا ہے کہ پاکستان کی نمائندگی کا موقع ملنے کے بعد ان کا خواب تھا کہ وہ ایک دن عالمی نمبرایک بولربنیں، جسے حاصل کرنا ان کیلئے باعث فخر ہے۔
“Very proud to become the world no. 1 bowler representing Pakistan” 🇵🇰🥇
Abrar Ahmed reflects on reaching the top of the ICC T20I bowling rankings, the work behind his rise and his next target 💫#PakistanCricket | #BackTheBoysInGreen pic.twitter.com/KzNr6NBt4k
— Pakistan Cricket (@TheRealPCB) September 23, 2026
قومی اسپنرنے کہا کہ مستقل مزاجی کے ساتھ محنت نے ان کی بولنگ میں نمایاں بہتری پیدا کی ہے، انہوں نے اس کامیابی کو اپنی محنت اورکارکردگی کا نتیجہ قرار دیتے ہوئے مستقبل میں بھی اچھی کارکردگی کا سلسلہ جاری رکھنے کے عزم کا اظہار کیا۔
ابرار احمد نے کہا کہ اب ان کا ہدف ایشین گیمز میں بہترین کارکردگی کا مظاہرہ کرکے پاکستان کیلئے گولڈ میڈل جیتنا ہے۔
Abrar Ahmed achieves top spot in ICC T20I Rankings
Details here ➡️ https://t.co/anXygbyFvh pic.twitter.com/6NxfQemEnu
— PCB Media (@TheRealPCBMedia) September 23, 2026
ابراراحمد کے ٹی ٹوئنٹی بولنگ رینکنگ میں عالمی نمبر ایک بننے کو پاکستانی کرکٹ کیلئے بھی اہم پیش رفت قرار دیا جارہا ہے۔
واضح رہے کہ ابراراحمد ٹی ٹوئنٹی بولنگ رینکنگ میں نمبر ون بننے والے پاکستان کے پانچویں بولر ہیں ان سے قبل عمر گل، سعید اجمل، عماد وسیم اورشاہد آفریدی یہ اعزاز حاصل کرچکے ہیں۔
