اسلام آباد: پاک فوج نے مشکل ترین آپریشن کے ذریعے لاتوک ون پیک پر پھنسے روسی کوہ پیما ایلگزینڈر گوکوف کو بحفاظت ریسکیو کرلیا ہے۔
پاکستانی دفتر خارجہ کے ترجمان ڈاکٹر محمد فیصل نے تصدیق کی ہے کہ پاک فوج نے مشکل ترین ریسکیو آپریشن کے ذریعے روسی کوہ پیما کو ریسکیو کیا۔
روسی کوہ پیما لاتوک پیک ون پر 20,600 فٹ کی بلندی پر پھنسا ہوا تھا۔
انتہائی خراب موسم کے باوجود ریسکیو کی کوششیں 26 جولائی سے جاری تھیں اور برفانی بادلوں کے سبب روسی کوہ پیما کو تلاش کرنے میں سخت مشکلات کا سامنا رہا۔
ہیلی کاپٹر کے ذریعے کیے گئے انتہائی مشکل آپریشن کے بعد آج صبح ایلگزینڈر گوکوف کو ریسکیو کرلیا گیا۔
