وزیراعظم کے سیاسی مشیر رانا ثنا اللہ نے وزیراعظم کی تبدیلی سے متعلق خبروں کو مسترد کرتے ہوئے کہا ہے کہ بعض عناصر بے بنیاد افواہیں پھیلا کر ملک میں عدم استحکام پیدا کرنا چاہتے ہیں۔
صحافی کے اس سوال پر کہ کیا بجٹ کے بعد وزیراعظم شہباز شریف تبدیل ہو رہے ہیں، رانا ثنا اللہ نے کہا کہ یہ بالکل غلط بات ہے اور ایسا کوئی معاملہ زیر غور نہیں۔
دہشتگردی کا منبع افغانستان ، امریکا سمیت سب ہمیں استعمال کرکے چلے گئے ، خواجہ آصف
انہوں نے کہا کہ وزیراعظم اس وقت بہترین انداز میں ملک کو آگے لے کر چل رہے ہیں اور عالمی سطح پر پاکستان کو عزت اور وقار حاصل ہوا ہے۔ایسے موقع پر اس نوعیت کی بحث ملک دشمن عناصر کی جانب سے کی جاتی ہے۔
رانا ثنا اللہ نے مزید کہا کہ حکومت نے ہمیشہ اپوزیشن کے ساتھ مذاکرات کی کوشش کی ہے۔ جب وہ خود اپوزیشن میں تھے تو ان کے خلاف مقدمات قائم کیے جا رہے تھے۔
