سندھ حکومت نے 100 کلو آٹے کے تھیلے کی قیمت مقرر کرتے ہوئے گندم اجرا پالیسی 2025-26 کی منظوری دے دی۔
وزیراعلیٰ سندھ کی زیر صدارت صوبائی کابینہ کے اجلاس میں آٹے کی قیمتوں میں استحکام لانے کے لیے 1.265 ملین ٹن گندم جاری کرنے کا فیصلہ کیا گیا۔
کابینہ نے فی 100 کلو بوری آٹا 9500 روپے کے نرخ پر مقرر کرنے کی منظوری دی۔ وزیراعلیٰ نے واضح کیا کہ گندم یا آٹے کی ذخیرہ اندوزی کسی صورت برداشت نہیں کی جائے گی۔
اجلاس میں سندھ انٹرپرائز ڈیولپمنٹ فنڈ اور سندھ آئی ٹی کمپنی بورڈ کی ازسرِ نو تشکیل کی منظوری بھی دی گئی۔ اس کے علاوہ سینئر سٹیزن کونسل کو دوبارہ تشکیل دینے کا فیصلہ کیا گیا۔
کابینہ نے آغوش اسپیشل چلڈرن اسکول کو پاکستان اسٹیل ملز سے سندھ حکومت کے انتظام میں دینے کی منظوری دے دی۔
مزید برآں، لیفٹ بینک آؤٹ فال ڈرین کے 78 عارضی ملازمین کو مستقل کرنے کی بھی منظوری دی گئی۔
پشاور میں آٹا مزید مہنگا ، 20 کلو کا تھیلا 2800 روپے کا ہو گیا
