واشنگٹن: امریکی صدر ڈونلڈ ٹرمپ نے دعویٰ کیا ہے کہ اسرائیل نے غزہ میں 60 روزہ جنگ بندی پر رضامندی ظاہر کردی ہے۔
ٹرمپ کے مطابق ان کے نمائندوں کی اسرائیلی حکام سے طویل اور نتیجہ خیز ملاقات ہوئی جس میں غزہ کی صورتحال پرتفصیل سے بات چیت کی گئی۔
غزہ میں 24 گھنٹوں کے دوران 116 فلسطینی شہید، 463 زخمی
انہوں نے کہا کہ آئندہ 60 روز کے دوران مکمل جنگ بندی کے لیے فریقین، بالخصوص قطراورمصر کے حکام، حتمی تجاویز پیش کریں گے۔
ٹرمپ نے امید ظاہرکی کہ حماس اس معاہدے کو قبول کرے گی، بصورت دیگر خطے میں صورتحال مزید خراب ہو سکتی ہے۔
انہوں نے عندیہ دیا کہ ممکنہ طورپراگلے ہفتے تک جنگ بندی کا باضابطہ اعلان ہو جائے گا جواسرائیلی وزیراعظم نیتن یاہو کے 7 جولائی کے دورہ امریکہ سے قبل ممکن ہو سکتا ہے۔
