دبئی میں پہلی ائیر ٹیکسی کی آزمائشی پرواز کامیابی سے مکمل کر لی گئی۔
غیر ملکی خبر رساں ایجنسی کے مطابق دبئی روڈ اینڈ ٹرانسپورٹ اتھارٹی کی جانب سے ائیر ٹیکسی کی آزمائشی پرواز کی گئی۔ جو کہ مکمل طور پر ایک الیکٹرک طیارہ ہے۔ اور وہ ہیلی کاپٹر کی طرح رن وے کے بغیر بھی لینڈ کرسکتا ہے۔
دبئی روڈ اینڈ ٹرانسپورٹ اتھارٹی کے مطابق ائیر ٹیکسی اگلے سال سے مکمل آپریشن کا آغاز کرے گی۔ جبکہ اس کا مقصد برق رفتار اور ماحول دوست ٹرانسپورٹ فراہم کرنا ہے۔
دبئی کے صحرائی خطے میں ائیر ٹیکسی کی آزمائش کی گئی تھی۔ یہ ائیر ٹیکسی جوبی ایوی ایشن کی تیار کردہ ہے۔ اور دبئی روڈ اینڈ ٹرانسپورٹ اتھارٹی نے اس کمپنی سے اشتراک کیا ہے۔
یہ اڑنے والی گاڑی 160 کلومیٹر تک سفر کرسکتی ہے۔ جبکہ اس کی حد رفتار 320 کلومیٹر فی گھنٹہ ہے۔
یہ بھی پڑھیں: پاکستان کے تین بڑے ائیر پورٹس پر ای گیٹس کا بنیادی ڈیزائن فائنل
دبئی ائیرپورٹ سے پام جمیرہ تک اس کی پرواز 12 منٹ میں مکمل ہو گی۔ جبکہ ابھی یہ فاصلہ گاڑی سے 45 منٹ میں طے ہوتا ہے۔ ائیر ٹیکسی کی اولین کمرشل پروازوں کے لیے اسٹیشن آپریشن دبئی ائیرپورٹ کے قریب بنایا جائے گا۔
