ملک کے بیشترعلاقے آج بھی شدید دھند کی لپیٹ میں، کئی مقامات سے موٹرویز کو ٹریفک کیلئے بند کردیا گیا۔
ترجمان موٹروے پولیس کے مطابق ملک کے مختلف مقامات پر شدید دھند کے باعث اسلام آباد ٹول پلازہ ایم ٹو پر ہیوی گاڑیوں کا داخلہ بند، موٹروے ایم 2 کولاہور سے کوٹ مومن تک ٹریفک کیلئے بند کردیا گیا۔
موٹروے ایم 3 کو فیض پور سے درخانہ تک موٹروے ایم 4 کو پنڈی بھٹیاں سے فیصل آباد تک اورخانیوال سے عبدالحکیم تک شدید دھند کے باعث ٹریفک کے لیے بند کردیا گیا۔
مکہ مکرمہ اور گردونواح میں موسلادھار بارش
موٹرویزکوعوام کی حفاظت اورمحفوظ سفر یقینی بنانے کیلئے بند کیا جاتا ہے، شہری زیادہ سے زیادہ دن کے اوقات سفر کریں اور معلومات اورمدد کیلئے ہیلپ لائن 130 سے رابطہ کریں۔
ترجمان نے مزید بتایا کہ عوام غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں، ڈرائیورز فوگ لائٹس کا استعمال کریں۔
