پاکستان تحریک انصاف میں اندرونی اختلافات کے خاتمے کیلئے سابق صدر عارف علوی کی سربراہی میں کمیٹی تشکیل دے دی گئی۔
پارٹی ذرائع کے مطابق عارف علوی ایک ہفتے میں اندرونی اختلافات کے خاتمے کیلئے تجاویز دیں گے اور اختلافات رکھنے والے رہنماؤں سے ملاقاتیں کرکے تحفظات سنیں گے۔
علیمہ خان کا تحریک انصاف میں اثر و رسوخ اور بشریٰ بی بی سے تنازع کا انکشاف
یاد رہے کہ گزشتہ دنوں خیبر پختونخوا میں سابق صوبائی وزیر شکیل خان کو وزارت سے ہٹانے کے معاملے پر پارٹی میں شدید اختلافات سامنے آئے تھے۔
اس کے علاوہ تحریک انصاف پنجاب میں بھی اختلافات کی خبریں سامنے آئی تھیں۔ جس کا بانی چیئرمین عمران خان نے نوٹس لیا تھا۔
