چیف جسٹس قاضی فائز عیسیٰ اور ان کے اہل خانہ کی جانب سے بلوچستان حکومت کیلئے بڑے تحفے کا اعلان کیا گیا ہے۔
چیف جسٹس قاضی فائز عیسیٰ اور ان کے خاندان نے 31 ہزار 680 مربع فٹ زمین بلوچستان حکومت کو عطیہ کر دی ہے۔
قاضی خاندان نے اراضی حکومت کو دینے کے لیے بلوچستان حکومت کو خط لکھا ہے ، خط پر چیف جسٹس قاضی فائز عیسیٰ اور قاضی عظمت عیسیٰ کے دستخط بھی موجود ہیں۔
چیف جسٹس لاہور ہائیکورٹ جسٹس عالیہ نیلم نے قومی خزانے کے ایک ارب روپے بچالیے
خط کے متن کے مطابق 77 ویں جشن آزادی کے موقع پر قاضی فیملی نے اپنی زمین قوم کے لیے عطیہ کی ہے۔
خط کے مطابق عطیہ کی گئی اراضی زیارت میں قائدِاعظم ریذیڈنسی کے ساتھ واقع ہے ، اراضی عوام کے مفاد میں بطور انوائرمنٹل سینٹر استعمال کے لیے ہو گی، قاضی خاندان کی یہ اراضی 14 اگست سے حکومت کے سپرد کی جائے گی۔
