عمران خان پر مقدمات پاکستان کا اندرونی معاملہ ، کانگریس کی قانون سازی پر بات نہیں کرینگے ، امریکا

امریکی محکمہ خارجہ

نائب ترجمان امریکی محکمہ خارجہ ویدانت پٹیل نے ایوان نمائندگان میں پاکستان سے متعلق قرارداد پر ردعمل دیتے ہوئے کہا ہے کہ زیر التوا کانگریس کی قانون سازی پر بات نہیں کرینگے۔

ویدانت پٹیل نے پریس کانفرنس کرتے ہوئے کہا کہ بانی پی ٹی آئی عمران خان پر مقدمات پاکستان کا اندرونی معاملہ ہے، پاکستان میں انتخابات کی شفافیت کا معاملہ ہماری توجہ کا مرکز ہے، انتخابی دھاندلی کا معاملہ پاکستانی شراکت داروں سے اٹھاتے رہے ہیں۔

کانگریس کی قرارداد قابل مذمت ، امریکا کو ہمارے معاملات میں مداخلت کا حق نہیں ، طاہر اشرفی

انہوں نے مزید کہا کہ امریکی جمہوری نظام میں کانگریس حکومت کی ایک علیحدہ شاخ ہے، پاکستان اور بھارت کو اپنے معاملات خود طے کرنا ہیں، امریکا دنیا بھر میں پڑوسی ممالک میں مذاکرات کی حوصلہ افزائی کرتا ہے۔

قومی اسمبلی میں امریکی قرارداد کیخلاف قرارداد منظور، سنی اتحاد کونسل کی مخالفت

انہوں نے کہا کہ امریکی اعلیٰ حکام نے مسلسل پاکستان پر زور دیا کہ آئین کے مطابق عوام کے حقوق کا احترام، انسانی حقوق اور بنیادی آزادیوں کا احترام کیا جائے۔


متعلقہ خبریں