پاکستان تحریک انصاف( پی ٹی آئی) رہنما صنم جاوید کو رہائی ملنے کے بعد جیل سے نکلتے ہی پولیس نے دوبارہ حراست میں لے لیا۔
پی ٹی آئی کی خواتین رہنما صنم جاوید اور عالیہ حمزہ کو رہائی ممکن نہ ہو سکی۔ صنم جاوید کو جب جیل کے باہر سےگوجرانوالہ پولیس نے دوبارہ حراست میں لیا جبکہ روبکار جیل نہ پہنچنے پر عالیہ حمزہ کو رہائی نہ مل سکی۔
نیپرا نے کسٹمر سروس مینول میں تبدیلی کردی
یاد رہے کہ دونوں رہنماؤ ں کی انسداد دہشتگردی عدالت سے ضمانت ہو چکی ہے۔ انسداد دہشتگردی عدالت نے 9 مئی کے 3 مقدمات میں عالیہ حمزہ اور صنم جاوید کی ضمانت منظور کی جبکہ انہیں تھانہ موسی خیل کے چوتھے مقدمے میں بھی عبوری ضمانت منظور دی گئی۔
خیال رہے کہ گزشتہ ہفتے سانحہ 9 مئی کی تحقیقات کے لیے جے آئی ٹی گوجرانوالہ کو سرگودھا جیل میں قید صنم جاوید اور عالیہ حمزہ سے تفتیش کی اجازت دی گئی تھی۔
انسداد دہشتگردی عدالت میں گوجرانوالہ میں 9 مئی کو توڑ پھوڑ کے مقدمہ کی سماعت کے دوران جے آئی ٹی کی جانب سےاستدعا کی گئی تھی کہ صنم جاوید اور عالیہ حمزہ سے تفتیش کرنے کی اجازت دی جائے۔
مہنگائی 5 ماہ کی کم ترین سطح پر آگئی، عظمی بخاری
درخواست میں مؤقف اختیار کیا گیا تھا کہ صنم جاوید اور عالیہ حمزہ سرگودھا جیل میں ہیں۔ جے آئی ٹی کی درخواست میں ایف آئی اے کے ایک لیٹر اور سول میڈیا ویڈیوز کا حوالہ بھی دیا گیاتھا۔
عدالت نے جے آئی ٹی کو دونوں ملزمہ سے سرگودھا جیل میں تفتیش کرنے کی اجازت دی تھی۔
