وفاقی دارالحکومت اسلام آباد میں واقع پلازے میں آگ بھڑک اٹھی، خوفناک آتشزدگی کے نتیجے میں متعدد دکانیں جل گئیں۔
آتشزدگی کا واقعہ اسلام آباد کے علاقے تھانہ شمس کالونی میں گولڑہ موڑ پر واقع پلازے میں پیش آیا جہاں رات گئے اچانک آگ بھڑک اٹھی۔
آگ نے دیکھتے ہی دیکھتے پورے پلازے کو اپنی لپیٹ میں لے لیا، آگ لگنے کی اطلاع ملنے پر فائر بریگیڈ کا عملہ موقع پر پہنچ گیا۔
مری میں کئی غیر قانونی پلازے اور دیگر تعمیرات منہدم ، آپریشن کرنیوالی ٹیم پر حملہ
فائر بریگیڈ کے عملے نے کئی گھنٹوں کی جدوجہد کے بعد آگ پر قابو پا لیا، آتشزدگی کے نتیجے میں متعدد دکانیں جل گئیں جس کے باعث لاکھوں روپے کا نقصان ہوا۔
پولیس کے مطابق آگ لگنے کی وجوہات سامنے نہیں آ سکی ہیں، پولیس نے وجوہات جاننے کے لئے تفتیش شروع کر دی ہے۔
