آسٹریلین کرکٹ ٹیم کے سابق کپتان رکی پونٹنگ نے بھارتی کرکٹ ٹیم کی کوچنگ کی آفر کو ٹھکرا دیا، انہوں نے کہا کہ کوچنگ میرے لائف اسٹائل میں فٹ نہیں۔
انٹرنیشنل کرکٹ کونسل (آئی سی سی) کو دیے گئے ایک انٹرویو میں انہوں نے کہا کہ ‘آئی پی ایل کے دوران میری بھارتی ٹیم کی کوچنگ سے متعلق گفتگو ہوتی رہی۔ گفتگو میں میری کوچنگ میں دلچسپی جاننے کی کوشش کی گئی۔’
رکی پونٹنگ کا کہنا تھا کہا ‘میں نیشنل ٹیم کی کوچنگ کرنا پسند کروں گا لیکن زندگی میں اور بھی بہت کچھ ہے۔ میں نے بھارتی ٹیم کی کوچنگ کے حوالے سے کئی رپورٹس دیکھی ہیں، ایسا عموماً سوشل میڈیا پر ہوتا ہے اور کئی نام سامنے آتے ہیں۔’
پاکستان اور انگلینڈ کے درمیان ہونے والا پہلا ٹی 20بارش کے باعث منسوخ
سابق کپتان نے کہا کہ ‘میں گھر میں فیملی کے ساتھ وقت گزارنا چاہتا ہوں، بھارتی ٹیم کے اگر آپ کوچ ہوں گے تو پھر آپ آئی پی ایل میں کوچ نہیں ہوسکتے. نیشنل ٹیم کا کوچ ہونے کا مطلب سال میں 10 سے 11 ماہ کی نوکری ہے۔’
انہوں نے کہا کہ ‘میری فیملی نے آئی پی ایل کے دوران 5 ہفتے میرے ساتھ بھارت میں گزارے، میں نے بیٹے کو کوچنگ کی آفر کا بتایا تو بیٹے نے آفر قبول کرنے کا کہا۔ بیٹا کہنے لگا کہ ہم دو سال کے لیے یہاں شفٹ ہو جائیں گے۔’
سابق کرکٹر نے مزید کہا کہ فیملی کو بھارت میں کرکٹ کلچر اچھا لگتا ہے لیکن اس وقت کوچنگ میرے لائف اسٹائل میں فٹ نہیں ہوتی۔
