وزیرداخلہ محسن نقوی نے مارگلہ ٹریلز پیٹرول یونٹ کا افتتاح کر دیا۔
تقریب سے خطاب کرتے ہوئے انہوں نے کہا 60پولیس افسران پر مشتمل فورس مارگلہ ٹریلز پر گشت کرے گی،مارگلہ پیٹرول یونٹ مارگلہ ٹریلز پر لوگوں کی حفاظت کیلئے تشکیل دیا گیا ہے۔
نجکاری کمیشن نے 5 سالہ پروگرام ترتیب دے دیا
مارگلہ ٹریلز یونٹ کی تشکیل کا مقصد شہریوں کو محفوظ ماحول فراہم کرنا ہے،انہوں نے مارگلہ ٹریلز پر موبائل سگنل کا مسئلہ حل کرنے کے فوری اقدامات کی ہدایت بھی کی ۔
آئی جی اسلام آباد پولیس علی ناصر رضوی نے مارگلہ پیٹرول یونٹ کے بارے میں بریفنگ دی ،انہوں نے بتایا فٹ پیٹرول میں 10 پولیس افسران شامل ہیں۔
موٹرسائیکل یونٹ 6 موٹرسائیکلز اور 16 افسران پر مشتمل ہے،گھڑ سوار 8 گھوڑوں پر مارگلہ ٹریلز پر گشت کریں گے۔
