پنجاب سیف سٹیز نے لاہور میں وزیراعلی پنجاب مریم نواز فری وائی فائی سروس کو 50 سے بڑھا کر 100 پوائنٹس پر فعال کردیا۔
وزیراعلیٰ پنجاب مریم نواز شریف کی ہدایت پر سیف سٹی ایمرجنسی میں شہریوں کی سہولت کیلئے فری وائی فائی سروس فراہم کر رہی ہے۔ شہری کسی بھی ایمرجنسی میں وائی فائی کے ذریعے پولیس اور اپنے عزیزوں سے رابطہ کر سکتے ہیں۔
3 سے 4 کمروں کا گھر صرف 2 لاکھ روپے میں سولر پر منتقل کیا جاسکتا ہے
شہری فری وائی فائی سروس سے ویمن سیفٹی، پنجاب پولیس ایپ اور واٹس ایپ استعمال کر سکتے ہیں۔لاہور بھر میں نصب ہر فری وائی فائی ڈیوائس کی رینج 300 فٹ ہے۔
ترجمان کے مطابق فری وائی فائی ایمرجنسی سروس ویڈیوا سٹریمنگ یا انٹرٹینمنٹ کیلئے نہیں ہے، یہ سروس صرف ایمرجنسی میں استعمال کیلئے ہے، اس سے مختلف ایپلی کیشن کو ڈاؤن لوڈ بھی کیا جا سکتا ہے۔
ترجمان سیف سٹیز کے مطابق فری وائی فائی سروس کو ٹیکسی رائیڈ بک کرانے کیلئے بھی استعمال کیا جاسکتا ہے۔
