پاکستان ملٹری اکیڈمی کاکول میں 149 ویں کیڈٹس لانگ کورس کی کی پاسنگ آؤٹ پریڈ منعقد ہوئی۔
پاک فوج کے شعبہ تعلقات عامہ (آئی ایس پی آر) کے مطابق 149 ویں پی ایم اے لانگ کورس، 14 ویں مجاہد کورس، 68 ویں انٹیگریٹڈ کورس اور 23 ویں لیڈی کیڈٹ کی پاسنگ آؤٹ پریڈ کا انعقاد ہوا، دوست ممالک کے 49 کیڈٹس نے بھی پاس آؤٹ کیا۔
چیئرمین جوائنٹ چیفس آف سٹاف کمیٹی جنرل ساحر شمشاد مرزا تقریب کے مہمان خصوصی تھے جبکہ ترکیہ کے چیف آف جنرل سٹاف جنرل متین گورک نے بطور مہمان خصوصی شرکت کی۔
ضمنی انتخابات ، سول آرمڈ فورسز اور پاک فوج کے دستے تعینات کرنیکی منظوری
چیئرمین جوائنٹ چیفس آف سٹاف کمیٹی جنرل ساحر شمشاد مرزا نے پریڈ کاجائزہ لیا اور خطاب کیا۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا اور ترکیہ کے چیف آف جنرل سٹاف نے کیڈٹس کو اعزازات سے نوازا۔
آئی ایس پی آر کے مطابق پی ایم اے لانگ کورس کے اکیڈمی سینئر انڈر آفیسر محمد نعمان عبدا للہ کو اعزازی شمشیر سے نوازا گیا، صدارتی گولڈ میڈل پی ایم اے لانگ کورس کے کمپنی سینئر انڈر افسر محمد عبدا للہ جاوید کو دیا گیا۔
ضمنی الیکشن، پنجاب کے 13 اضلاع میں موبائل و انٹرنیٹ سروس بند رکھنے کی سفارش
سعودی عرب کے سینئر انڈر آفیسر فہد بن عقیل الطوارقی الفلاج کو اوورسیز گولڈ میڈل دیا گیا۔ آئی ایس پی آر کے مطابق چیئرمین جوائنٹ چیفس آف سٹاف کی چھڑی 14 ویں مجاہد کورس کے انڈر افسر الیاس خان کو جبکہ 68ویں انٹیگریٹڈ کورس کے جونیئر انڈر افسر دانش ستار، 23ویں لیڈی کیڈٹ کورس کی انڈر آفیسر شیر بانو کو کمانڈنٹ کینز سے نوازا گیا۔
چیئرمین جوائنٹ چیفس آف سٹاف نے تقریب سے خطاب کرتے ہوئے کہا کہ گزشتہ کئی سال میں پی ایم اے نے متعدد غیر ملکی کیڈٹس کو بھی تربیت دی، ا ن کیڈٹس کی اپنی افواج میں شاندار کارکردگی پی ایم اے کی پیشہ ورانہ اخلاقیات کا منہ بولتا ثبوت ہے۔
