کوئٹہ، آٹے کی قیمت میں 15 روپے کمی ہو گئی ہے، شہر میں آٹا 140 روپے کلو سے کم ہو کر 125 روپے میں فروخت ہو رہا ہے۔
آٹے کی قیمتوں میں کمی کے باوجود روٹی کی قیمت میں کمی نہیں ہو سکی ہے، کوئٹہ آٹا ڈیلر ایسوسی ایشن کے صدر خدائیداد کا کہنا تھا کہ آٹے کی قیمتوں میں کمی فصل بہتر ہونے کی وجہ سے ہوئی۔
ایسوسی ایشن کا کہنا تھا کہ آنے والے دنوں میں آٹے کی قیمتوں میں مزید کمی ہوگی،ساڑھے چھ ہزار سے سات ہزار روپے میں فروخت ہونے والا آٹے کا تھیلا پانچ ہزار میں فروخت ہو رہا ہے۔
سونا 1700 روپے فی تولہ سستا ہو گیا
دوسری جانب پنجاب حکومت نے روٹی سستی کر دی ہے اور قیمتوں پر عملدرآمد کے لئے تندوروں پر چھاپے مارے جا رہے ہیں،سستی روٹی نہ دینے والوں کو بھاری جرمانے کئے جا رہے ہیں۔
واضح رہے کہ وزیر خزانہ پنجاب میاں مجتبیٰ شجاع الرحمن کا کہنا تھا کہ رواں ماہ گندم کی نئی فصل آنے سے روٹی کی قیمت میں مزید کمی آئے گی۔ پنجاب حکومت نے گندم کی امدادی قیمت 3900روپے فی من مقرر کر رکھی ہے جس میں کوئی اضافہ نہیں کر رہے۔
پنجاب اسمبلی کے احاطہ میں میڈیا سے گفتگو کرتے ہوئے ان کا کہنا تھا کہ بین الاقوامی سطح پر پٹرولیم مصنوعات کی قیمتوں میں بے پناہ اضافہ ہوا ہے تاہم حکومت کی کوشش ہے کہ قیمتیں کم سے کم رکھیں۔
کسی صورت روٹی اور نان کی قیمت کم نہیں کریں گے، نان بائی ایسوسی ایشن
پیٹرول استعمال کرنے والوں کی تعداد روٹی کھانے والوں کی نسبت بہت کم ہے، روٹی کی قیمت میں 4 روپے کمی آئی ہے جبکہ رواں ماہ گندم کی نئی فصل آنے سے روٹی کی قیمت میں مزید کمی آئے گی۔
وزیر خزانہ مجتبیٰ شجاع الرحمن کا کہنا تھا کہ حکومت کی جانب سے قیمت 16روپے کرنے کے باوجود تندور مالکان کو منافع ہو رہا ہے۔
ان کا کہنا تھاکہ پنجاب حکومت نے گندم کی امدادی قیمت 3900روپے فی من مقرر کر رکھی ہے جس میں کوئی اضافہ نہیں کر رہے۔قیمتوں میں مصنوعی اضافہ کرنے والوں کے خلاف کارروائی جاری رکھیں گے
