پاکستان سُپر لیگ (پی ایس ایل) کے سیزن 9 میں اسلام آباد یونائیٹڈ اور کراچی کنگز کے کپتانوں کے درمیان گرما گرمی ہوئی جسے شاداب خان نے غلط فہمی قرار دے دیا۔
پی ایس ایل 9 میں گزشتہ روز کراچی اور اسلام آباد کی ٹیمیں راولپنڈی کرکٹ اسٹیڈیم میں آمنے سامنے آئیں۔ یونائیٹڈ کی ٹیم نے کنگز کو 5 وکٹوں سے ہرا کر پلے آف مرحلے کیلئے اپنی پوزیشن مضبوط کرلی۔
میچ کے دوران قومی کرکٹ ٹیم کے موجودہ کپتان اور سابق نائب کپتان کے درمیان اس وقت گرما گرمی دیکھنے میں آئی جب کراچی کنگز نے ریویو لیا۔ شاداب خان کے مطابق شان مسعود نے ریویو کے لیے مقررہ وقت سے تجاوز کیا تھا۔
جواب میں کپتان کراچی کنگز نے شاداب کو کہا کہ وہ انکے اور امپائر کے درمیان ہونے والی بات چیت میں مداخلت سے گریز کریں۔ شاداب کے اعتراض کے باوجود شان نے ریویو لیا جس میں معلوم ہوا کہ گیند بلے پر نہیں لگی جس کے نتیجے میں آغا سلمان آؤٹ ہونے سے بچ گئے۔
بعد ازاں شان مسعود اور شاداب خان نے میچ کے اختتام پر گلے مل کر ایک دوسرے سے خوشگوار انداز میں بات بھی کی۔
So good to see Shadab Khan and Shan Masood hugging each other after the arguments they had. Brothers ❤️❤️#HBLPSL9 #tapmad #HojaoAdFree pic.twitter.com/KW62Psm6WA
— Farid Khan (@_FaridKhan) March 7, 2024
اس حوالے سے شاداب خان نے پوسٹ میچ پریس کانفرنس میں بتایا کہ شان بھائی کو تھوڑی غلط فہمی ہوگئی تھے جس پر وہ ناراض ہوئے تھے۔
