پاکستان سُپر لیگ (پی ایس ایل) کے نویں ایڈیشن میں کراچی کنگز کی نمائندگی کرنے والے کیرون پولارڈ سُپر لیگ چھوڑ کر بھارت پہنچ گئے۔
پولارڈ کی طرف سے انسٹاگرام پر گزشتہ روز بھارتی شہر جام نگر میں مکیش امبانی کے بیٹے کی شادی سے پہلے کی تقریبات میں شرکت کی تصاویر شیئر کی گئیں۔ تصاویر میں انہیں شاہ رخ خان اور رنویر سنگھ کے ہمراہ دیکھا جاسکتا ہے۔
پی ایس ایل 9،اسلام آباد یونائیٹڈ نے کراچی کنگز کو شکست دیدی
سابق ویسٹ انڈین کرکٹر یکم مارچ کو پی ایس ایل چھوڑ کر جام نگر پہنچے تھے۔ انڈین پریمیئر لیگ (آئی پی ایل) کی فرنچائز ممبئی انڈینز کا حصہ ہونے کی حیثیت سے مکیش امبانی نے انہیں دعوت دے رکھی تھی۔
View this post on Instagram
کراچی کنگز ذرائع کے مطابق پولارڈ 4 روز کی چھٹی لے کر بھارت گئے تھے جس کے باعث وہ آج ملتان سلطان کے خلاف میچ میں دستیاب نہیں ہوں گے۔ وہ پیر کو دوبارہ کراچی کنگز کو جوائن کریں گے۔
نیوزی لینڈ کرکٹ ٹیم کا دورہ، کیویز سیکیورٹی وفد پاکستان پہنچ گیا
خیال رہے آئی پی ایل کی ممبئی انڈینز امبانی خاندان کی ملکیت ہے۔ اس ٹیم کے ساتھ پولارڈ سنہ 2010 سے منسلک ہیں۔ پولارڈ کے علاوہ ممبئی انڈینز کے ڈی جے براوو، روہت شرما اور نکولس پورن بھی تقریب میں شریک ہوئے۔
