الیکشن کمیشن آف پاکستان نے این اے 44 ڈیرہ اسمعیل خان کے ریٹرننگ افسر کی جانب سے مبینہ طور پر اپنے اختیارات کا ناجائز استعمال کرتے ہوئے اپنے حلقے کے ایک امیدوار کا انتخابی نشان بلاجواز تبدیل کرنےکا فوری نوٹس لیتے ہوئے اسے فوری معطل کرنے کے احکامات جاری کیے ہیں۔
کینیڈا نے سٹوڈنٹ ویزا پالیسی میں تبدیلی کردی
کمیشن نے مذکورہ افسر کے خلاف باضابطہ انکوائری کے لیے صوبائی الیکشن کمشنر خیبر پختونخواہ کی سربراہی میں تین رکنی انکوائری کمیٹی بھی تشکیل دے دی ہے جو 6 ایام میں اپنی رپورٹ جمع کرانے کی پابند ہو گی۔
الیکشن کمیشن کے ترجمان کی جانب سے جاری بیان میں کہاگیا کہ الیکشن کمیشن کے نوٹس میں یہ بات آئی کہ این اے 44 ڈیرہ اسمعیل خان کے ریٹرننگ افسر نے مبینہ طور پر اپنے اختیارات کا ناجائز استعمال کرتے ہوئے اپنے حلقے کے ایک امیدوار کا انتخابی نشان بلاجواز تبدیل کیا۔کمیشن نے اس معاملے کا فوری نوٹس لیتے ہوئے ابتدائی تحقیقات کرائیں جس میں یہ بات ثابت ہو گئی کہ مذکورہ ریٹرننگ افسر نے اپنے اختیارات سے تجاوز کیا۔
جہانگیر ترین کا (ن) لیگ کیساتھ ملکر حکومت بنانے کا اعلان
کمیشن نے فوری کارروائی کرتے ہوئے مذکورہ ریٹرننگ افسر / ایڈیشنل ڈپٹی کمشنر (جنرل) کو تبدیل کرتے ہوئے سید گلفام عباس شاہ ایڈیشنل ڈپٹی کمشنر (ایف اینڈ پی) ڈیرہ اسمٰعیل خان کو این اے 44 میں بطور ریٹرننگ افسر تعینات کر دیا اور چیف سیکرٹری خیبر پختونخواہ کو مذکورہ ریٹرننگ افسر /ایڈیشنل ڈپٹی کمشنر (جنرل) کی فوری معطلی اور اسے اسٹیبلشمنٹ ڈیپارٹمنٹ رپورٹ کرنے کی ہدایات جاری کیں۔
علاوہ ازیں کمیشن نے مذکورہ افسر کے خلاف باضابطہ انکوائری کے لیے صوبائی الیکشن کمشنر خیبر پختونخوا کی سربراہی میں تین رکنی انکوائری کمیٹی تشکیل دے دی ہے جو 6 ایام میں اپنی رپورٹ جمع کرانے کی پابند ہو گی۔
