نگران وزیراعظم انوار الحق کاکڑ کی ہدایت پر سانحہ 9 مئی سے متعلق کابینہ کمیٹی قائم کر دی گئی۔ کابینہ کابینہ ڈویژن نے کمیٹی کے قیام کا نوٹیفکیشن جاری کر دیا۔
نوٹیفکیشن کے مطابق کمیٹی کے سربراہ نگران وفاقی وزیر قانون احمد عرفان اسلم ہوں گے، کمیٹی 9 مئی کے واقعات کا جائزہ لے گی اور مستقبل میں ایسے واقعات کی روک تھام کے لیے سفارشات تیار کرے گی۔ کمیٹی 14 روز میں اپنی رپورٹ پیش کرنے کی پابند ہو گی۔
9 مئی واقعات ، قاسم سوری سمیت 11 پی ٹی آئی رہنما 14 فروری کو عدالت طلب
نوٹیفکیشن میں کہا گیا ہے کہ کمیٹی کے ٹی او آرز میں شامل ہے کہ کابینہ کمیٹی 9 مئی واقعات کی وجوہات ، ماسٹر مائنڈ، منصوبہ ساز، سہولت کار اور عمل کرنے والوں کا پتہ لگائے گی۔
اعلامیے کے مطابق کمیٹی سانحہ 9 مئی کے فوری اور طویل المدتی اثرات کا جائزہ لےگی ،وزارت داخلہ کمیٹی کو سیکرٹریٹ سپورٹ فراہم کرے گی۔
