پاکستان کی معروف کار ساز کمپنی ریگل آٹو موبائلز نے اپنی برقی توانائی سے چلنے والی الیکٹرک گاڑی سیریس 3 کو متعارف کروانے کے صرف ایک ماہ بعد قیمت میں بھاری کمی کا اعلان کر دیاہے۔
کمپنی نے نوٹیفکیشن جاری کرتے ہوئے کہا کہ گاڑی کی قیمت میں کمی کا فیصلہ روپے کی قدر بڑھنے اور ڈالر کی قیمت میں کمی کے باعث کیا گیاہے۔مزید برآں ڈیوٹی اور لیوی میں نظر ثانی بھی گاڑی کی قیمت میں کمی ایک وجہ ہے۔
انڈس موٹرز نے پاکستان میں بنائی جانے والی اپنی پہلی ہائبرڈ الیکٹرک کار کو باضابطہ طور پر لانچ کردیا
کمپنی کا مزید کا کہناتھا کہ گاڑی کی قیمت میں کمی کا اقدام الیکٹر ک گاڑیوں کو فروغ دینے میں اہم کر دارا دا کرے گا۔
کمپنی نے گاڑی کی ایکس فیکٹری قیمت میں 8 لاکھ 9 ہزار روپے کمی کی ہے جس کے بعد گاڑی کی نئی قیمت 83 لاکھ 90 ہزار روپے ہو گئی ہے جبکہ اس سے قبل یہ گاڑی صارفین کے لئے 91 لاکھ 99 ہزار روپے میں دستیاب تھی۔
کار کی بکنگ قیمت میں بھی پچاس ہزار روپے کی کمی کی گئی ہے،الیکٹر ک وہیکل کے شوقین افراد سیرس 3 کو تین لاکھ کی بجائے محض اڑھائی لاکھ روپے ایڈوانس دیتے ہوئے بک کروا سکتے ہیں۔
