ایشیائی ترقیاتی بینک نے پنجاب اور خیبرپختونخوا میں بجلی کے ترسیلی نظام میں بہتری کے لیے 250 ملین ڈالر قرض کی منظوری دے دی ہے۔
اے ڈی بی کی طرف سے جاری اعلامیہ کے مطابق اے ڈی بی پاکستان کے پنجاب اور خیبرپختونخوا صوبوں میں بجلی کی ترسیل کے نیٹ ورک کی وسعت اور بہتری کے ذریعے بجلی کی قابل اعتماد فراہمی میں مدد کرے گا۔
اے ڈی بی کا پاور ٹرانسمیشن کو بہتر بنانے کا منصوبہ قومی گرڈ کی ترسیل کی صلاحیت کو بڑھا کر اس کے استحکام کو تقویت دینے میں مدد دے گا۔
منصوبے کےتحت 500 کے وی اور 220 کے وی ٹرانسمیشن لائنوں کے لوپ بند اور پرانی ٹرانسمیشن لائنوں کو تبدیل کر کے پنجاب میں لاہور شہر میں ٹرانسمیشن کے نقصانات کو کم کیا جا سکے گا۔
وسطی اور مغربی ایشیا کے لیے اے ڈی بی کے ڈائریکٹر جنرل یوگینی زوکوف نے کہا کہ پائیدار اقتصادی ترقی کے لیے بجلی کی قابل بھروسہ فراہمی ضروری ہے جو دیہی علاقوں کو اقتصادی مواقع بھی فراہم کرے گی۔
موٹر سائیکل کی قیمتوں میں کمی کے امکانات
یہ منصوبہ نیشنل ٹرانسمیشن اینڈ ڈیسپیچ کمپنی (این ٹی ڈی سی) کے لیے اے ڈی بی کے جاری تعاون کی تکمیل کرے گا جس کا مقصد سستی توانائی کی ترسیل کی صلاحیت میں اضافہ کرنا ہے۔
اے ڈی بی کا منصوبہ این ٹی ڈی سی کے پراجیکٹ اور مالیاتی انتظام کے ساتھ ساتھ منصوبہ بندی اور آپریشنز میں موسمیاتی تبدیلی کو شامل کرنے کی صلاحیت میں بھی اضافہ کرے گا۔
اے ڈی بی کی سینئر انرجی سپیشلسٹ تکمینہ مکمادووا نے کہا ہے کہ صنفی مساوات اور توانائی کے شعبے میں خواتین کی شمولیت کو فروغ دینے کے لیےاے ڈی بی رہنما اصول تیار اور آگاہی مہم چلائے گا۔ ادارہ بچوں کی دیکھ بھال کے مراکز قائم کرنے کے ساتھ ساتھ این ٹی ڈی سی میں خواتین عملے کو تکنیکی تربیت فراہم کرے گا۔
قرضہ دینے والی 111 ایپس بلیک لسٹ
اس پروجیکٹ کے تحت دیہی علاقوں میں خواتین کے لیے ان کے معاشی مواقع کو بہتر بنانے کے لیے ذریعہ معاش کی مہارتوں کی نشوونما اور مقامی کمیونٹیز کے لیے تربیت بھی شامل ہے تاکہ وہ آب و ہوا سے پیدا ہونے والے قدرتی خطرات کا مقابلہ کر سکیں۔
اے ڈی بی نے 1966 سےپاکستان میں جامع اقتصادی ترقی کو فروغ دینے اور ملک کے بنیادی ڈھانچے، توانائی اور خوراک کی حفاظت، ٹرانسپورٹ نیٹ ورکس اور سماجی خدمات کو بہتر بنانے کے لیے سرکاری اور نجی شعبے کے قرضوں، گرانٹس اور فنانسنگ جیسے شعبوں میں 52 بلین ڈالر سے زیادہ کی سرمایہ کاری کی ہے۔
الکوحل کی زیادہ مقدار کی تصدیق، کھانسی کے5سیرپس پر پابندی عائد
اے ڈی بی انتہائی غربت کے خاتمے کے لیے اپنی کوششوں کو جاری رکھتے ہوئے ایک خوشحال، جامع، لچکدار اور پائیدار ایشیا اور بحرالکاہل کے حصول کے لیے پرعزم ہے۔
