آئی جی پنجاب ڈاکٹر عثمان انور نے لمز یونیورسٹی پر پولیس کے دھاوے کے حوالے سے چلنے والی خبروں کو جھوٹی اور بے بنیاد قرار دے دیا۔
ایک ویڈیو بیان میں ان کا کہنا تھا کہ میرے پیچھے ایک فیک ویڈیو چل رہی ہے جس میں بتایا جا رہا ہے کہ لمز یونیورسٹی لاہور پر پنجاب پولیس چھاپہ مار رہی ہے۔
ان کا کہنا تھا کہ اس ویڈیو میں جو تصویر ہے وہ لمز یونیورسٹی سے بہت دور ہے، پولیس کی کوئی نارمل موومنٹ ہے پولیس نے لمز پر کوئی ریڈ نہیں کیا۔
ہائیر ایجوکیشن کمیشن نے یونیورسٹیوں سے پاکستان سٹڈیز کا سجبیکٹ ختم کر دیا
آئی جی پنجاب کا کہنا تھا کہ اس بارے میں نہ پولیس کو کوئی حکم ملا نہ ہمیں کہا گیا۔
یہ جعلی اور جھوٹی ویڈیو وزیراعظم کے دورے کو بدنام کرنے کے لئے جھوٹی اور بے بنیاد خبر کے طور پر جاری کی گئی اور یہ سوشل میڈیا پر وائرل ہے۔
ان کا کہنا تھا کہ نہ پنجاب پولیس نے لمز پر چھاپہ مارا نہ اس کا کوئی حکم ملا اور نہ ہی ہمارا ایسا کوئی ارادہ ہے۔
آئی جی پنجاب کا کہنا تھا کہ اس جعلی ویڈیو کو بنانے والوں کو اب بولو کہ وہ قانونی کارروائی کے لئے تیار ہو جائیں۔ آئی پنجاب کی ویڈیو پنجاب پولیس کے سوشل میڈیا سیل نے جاری کی۔
2024ء کی بہترین جامعات میں پاکستان کی 15 یونیورسٹیاں شامل
واضح رہے کہ نگران وزیراعظم نے 30 اکتوبر کو لاہور یونیورسٹی آف منیجمنٹ سائنسز (لمز) کا دورہ کیا۔
وزیراعظم آفس کے میڈیا ونگ کے بیان کے مطابق لمز کے بورڈ آف گورنرز کے ڈپٹی چیئرمین عبدالرزاق داؤد اور تدریسی عملے نے یونیورسٹی آمد پر ان کا پرتپاک استقبال کیا، اس موقع پر انہیں یونیورسٹی میں جاری تعلیمی سرگرمیوں کے حوالے سے آگاہ کیا گیا۔
