اسرائیل نے گزشتہ دوہفتوں کے دوران 5 ہزار سے زائد فلسطینیوں کو گرفتار کیا جس کے بعد اسرائیلی جیلوں میں اسیر فلسطینیوں کی تعداد 10 ہزار سے تجاوز کر گئ۔
الجزیرہ کی رپورٹ کے مطابق 7 اکتوبر سے قبل اسرائیلی جیلوں میں 5,200 کے لگ بھگ فلسطینی قید تھے۔ فلسطینی حکام کے مطابق غزہ پر جنگ مسلط کرنے کے بعد قیدیوں کی تعداد 10 ہزار سے زیادہ ہو گئی ہے۔
اسرائیل جیل سے فرار ہونے والے فلسطینی قیدی گرفتار
حکام کے مطابق گزشتہ دو ہفتوں کے دوران اسرائیل نے غزہ سے تقریباً 4 ہزار مزدوروں کو گرفتار کرکے فوجی اڈوں میں قید کر لیا ہے جو اسرائیل میں کام کر رہے تھے۔ اس کے علاوہ اسرائیل نے مقبوضہ مغربی کنارے اور مشرقی یروشلم میں چھاپے مار کر 1,070 دیگر فلسطینیوں کو بھی گرفتار کیا ہے۔
اسرائیلی جارحیت کو 2 ہفتے مکمل، غزہ میں زندگی کے آثار ختم ہونے لگے
رملہ میں قائم ادمیر قیدیوں کے حقوق کے گروپ کی سربراہ سحر فرانسس نے بتایا کہ گرفتاریاں 24 گھنٹے ہو رہی ہیں۔ انہوں نے کہا کہ غزہ سے تعلق رکھنے والے زیادہ تر لوگوں کو جنوبی نقب کے صحرا میں بیئر السابی (بیر شیوا) کے قریب Sde Teyman نامی فوجی اڈے پر رکھا گیا ہے۔
