حماس نے یرغمال بنائی گئی اسرائیلی خاتون کو 2 بچوں سمیت رہا کر دیا۔ خاتون کے سرحد پار کرنے کی ویڈیو بھی جاری کر دی گئی۔
غیر ملکی خبر رساں ایجنسی کے مطابق حماس کی جانب سے ایک ویڈیو کلپ جاری کیا گیا ہے جس میں یرغمال اسرائیلی خاتون کو رہائی کے بعد سرحد پار کرتے ہوئے دکھایا گیا ہے۔
جاری کردہ ویڈیو میں خاتون کو سرحد کے قریب حماس کے القسام بریگیڈ کے 3 اہلکار چھوڑ کر واپس آتے دیکھے جا سکتے ہیں جن کے پاس اسلحہ بھی موجود ہے۔
ویڈیو میں دیکھا جا سکتا ہے کہ دونوں بچے خاتون کے ہمراہ سرحد کے دوسری جانب جا رہے ہیں۔
لقطات تظهر لحظة إطلاق سراح أسيرة إسرائيلية وطفليها كانت حركة حــ.مــ.اس قد أسرتهم في اليوم الأول من عملية #طوفان_الأقصى #فلسطين #غزة #قطاع_غزة #طوفان_الأقصى #هنا_المملكة pic.twitter.com/rOv3kz4Llt
— قناة المملكة (@AlMamlakaTV) October 11, 2023
دوسری جانب اسرائیل نے خاتون کی رہائی کو حماس کا ڈرامہ قرار دے دیا اور حماس کے ٹھکانوں پر بغیر کسی وقفے کے حملے جاری رکھنے کا اعلان کیا۔