ریاض: سعودی عرب نے فلسطین کی حمایت جاری رکھنے کا اعلان کر دیا۔
غیر ملکی خبر رساں ایجنسی کے مطابق سعودی ولی عہد شہزادہ محمد بن سلمان نے فلسطینی صدر محمود عباس سے رابطہ کیا اور فلسطین کی صورتحال پر تبادلہ خیال کیا۔
اس موقع پر سعودی ولی عہد محمد بن سلمان نے کہا کہ فلسطین کی حمایت جاری رکھیں گے اور سعودی عرب فلسطین کے ساتھ کھڑا ہے۔
سعودی ولی عہد شہزادہ محمد بن سلمان نے مصری صدر کو بھی فون کیا اور دونوں رہنماؤں نے غزہ کی تازہ ترین صورتحال پر گفتگو کی۔
